Xa podes inscribirte ao Obradoiro de emprendemento do Destino Courel!
Queda aberta a convocatoria para as actividades de presentación do Destino Courel, entre o que se atopa este obradoiro.
Será o 24 de novembro no Centro Social Fonde do Lunar de Triacastela (xunto á Casa Consistorial de Triacastela) e dispoñemos dun total de 20 prazas.
Un dos pilares básicos do emprendemento local radica no nivel de desenvolvemento do entorno, onde o emprendedor pretende executar a súa actividade. Factores como a cultura, a formación e incluso a financiación ou o apoio dispoñible por parte das entidades públicas dun lugar son fundamentais na toma de decisións, os valores adquiridos, a traxectoria e o éxito dunha actividade empresarial no mesmo.
As iniciativas a nivel de Xeodestino e a aposta por proxectos diferenciadores son vitais para poñer en valor o talento presente no territorio. Tratándose nun primeiro lugar de proxectos sustentables dende o punto de vista ambiental e económico.
Baixo esta premisa básica, e nesta aposta do destino polo talento e os proxectos sustentables, cremos que é necesario e se propón ofrecer aos emprendedores e produtores locais de Folgoso do Courel, O Incio, Triacastela e Samos, ampliar a súa formación a través do desenvolvemento dun obradoiro de emprendemento Destino Courel sobre o mundo da castaña e o mel.
Entre os tipos de negocio aos que iría dirixido este tipo de formación encóntranse negocios de restauración, obradoiros de pastelería e confeituras, produtores de experiencias turísticas, produtores de mel, artesáns, comerciantes, etc.
Comentarios recentes